Welcome to Pets-vets Q&A, where you can ask questions and receive answers from other members of the community.
Get it on Google Play
0 votes

ناس كتير بتحمي قططها مرة أو مرتين في الإسبوع عشان تفضل نضيفة و جميلة و خصوصا في فصل الصيف عشان الحر ☀️، لكن اللي متعرفوش إن الموضوع ده ممكن يضر صحة قطتك و ده للأسباب كتير. 

- بشكل عام القطط مش بتحتاج تستحمى كتير خالص، وده لأنها يوميا بتقوم بتنضيف نفسها وفي الغالب مش هتحتاج تدخلك . 

- قطتك ممكن تفضل شهور متستحماش ومش هيحصل حاجة . 

*طيب إيه اللي هيحصل لو بتحمي قطتك كتير؟ ( مرة كل أسبوع ده كتير جدا على فكرة) 

- بعيدا عن إن الموضوع كله متعب جدا ليك ولقطتك، لأن معظم القطط بتكره المية جدا، إنك تحميها اسبوعيا أنت كده حرفيا بتشيل كل الزيوت الطبيعية اللي جسمها بيفرزها عشان يحافظ على الجلد من الجفاف و يغذي الفرو ويخليه صحي ولامع. غير كده، استخدام الشامبو كتير ممكن يسبب تهييج للجلد.( ده على أساس اننا بنستخدم شامبو مخصص للقطط :D مابالك بقى لو بتستخدم شامبو عادي من بتاعنا .. طبعا مش محتاجين نوصف أضراره) 

- غير إنك لما تحمي قطتك كتير ده بيعرضها إنها تبرد من اختلاف درجة الحرارة بين المية والهوا و ده طبعا ممكن يتعبها .

- الأهم بقى إنه فعلا قطتك مش محتاجة تستحمى، القطط ليها طريقتها في الحفاظ على نظافتها، والاستحمام الكتير ده بيبقى خوف زيادة من عندنا عشان دايما بنفكر فيهم زي مابنفكر في اولادنا. 

* امتى يكون ضروري إنك تحمي قطتك ؟

1- لو في حاجة سامة جت على فروها، زي مثلا أي كيماويات أو منظفات، مبيدات حشرية أو أي حاجة هتضرها لو لحستها.

2- لو قطتك مش بتنضف نفسها بشكل طبيعي، ومحتاجة مساعدتك ( لو قطتك عندها سمنة مفرطة مثلا ومش بتعرف توصل لأماكن معينة ، أو لو عندها مشكلة بدنية تمنعها من تنضيف نفسها بشكل سليم ).

3- بعد جرعة الحشرات طبعا بالميعاد المحدد.

4- لو قطتك بهدلت نفسها جامد جدا ( التراب مايحتسبش بهدلة ) !

5- لو قطتك بقالها كتير جدا ما استحمتش وفروها بدأ يبقى مزيت أو ملزق ( خصوصا القطط اللي فروها طويل ).

6- لو قطتك عندها مشكلة جلدية تستدعي إنها تستحمى ( بأمر من الطبيب البيطري ). 

* يعني من الاخر، حمّي قطتك فقط عند الإحتياج، مش لازم بشكل منتظم وبالكتير اوي اوي تحميها مرة كل شهر.

* لو قطتك بهدلت نفسها بأي شكل، حاول تتجنب إنك تحميها، واستخدم فوطة مبلولة ومعصورة عشان تنضف الاجزاء اللي محتاجة تنضيف.

لو عايز تسألنا اي سؤال او انك تطلب دكتور يجيلك البيت او حتي تشتري اي منتج لحيوانك الاليف ممكن تنزل الابليكيشن من اللينك دا  

http://onelink.to/nnas8e

Credits to purrbark 





Get it on Google Play

asked

Your answer

Your name to display (optional):
Privacy: Your email address will only be used for sending these notifications.
...