Welcome to Pets-vets Q&A, where you can ask questions and receive answers from other members of the community.
Get it on Google Play
0 votes

إزاي اختار الدراي فود المناسب ؟

- الناس دايما بتسأل علي الابليكيشن ،" إيه أحسن أكل وأحسن نوع ؟"

- أحسن نوع اللي يكون فيه عناصر غذائية متكاملة ومناسبة لحالة أليفك . 

انت كمان ممكن تسألنا اي سؤال ببلاش او تشتري اي نوع دراي فود من التطبيق 

الخاص بينا من اللينك دا

http://onelink.to/nnas8e

بس الاول خلينا نعرف ايه اهم المعلومات عن الدراي فود

1- لازم تقرأ المكونات اللي على كيس الأكل ، عشان تعرف إذا كانت 

مناسبة لألفيك ولا لأ .

*من المكونات اللي تدور عليها دايما :

- بروتينات حيوانية كتير ( Beef / chicken / lamp ) ، دور دايما على اسم حيوانات بالأخص مش كلمة ( meat ) .

- خضروات ( fresh vegetables). 

- كلمة (Meat Meals ) و

دي بتبقى لحوم وعضم بيعاد تصنيعها وبيكون فيها نسبة عالية من البروتين .

- حبوب ( whole grains ) زي الذرة والقمح. 

- اتأكد دايما من تاريخ الصلاحية .

*الحاجات اللي تحاول تبعد عنها في المكونات :

- الملونات الصناعية ( Artificial colors ).

- كلمة "Meat byproducts " ودي بتبقى معظمها أحشاء مش لحم .

- إضافة محليات صناعية . 

2- راعي دايما لو أليفك عنده حساسية من أحد المكونات اللي موجودة في الأكل .

- معظم الحيوانات بيبقى عندهم حساسية من مادة الجلوتن الموجودة في القمح ومن بعض الأسماك .

3- استخدم الأكل المناسب للمرحلة العمرية :

- الكلاب والقطط الصغيرة بيحتاجوا تغذية أكثر من الكبار، عشان كده اتأكد إنك تجيب أكل مناسب لعمر أليفك. خصوصا في السن الصغير لازم تتأكد إنه بياكل أكل نوعه كويس .

- الأكل المخصص لل puppies و ال kittens بيكون العناصر الغذائية فيه أعلى، لكن ده مش معناه إنك تستخدمه لو أليفك كبير لانه ممكن يسبب مشاكل . 

4- استخدم أكل مناسب للحالة الصحية :

- في أنواع أكل كتير بتكون مخصصة لحالات مرضية ، وطبعا في الحالة دي الطبيب البيطري هيدلك عليها.

* مميزات وعيوب الدراي فود : 

- من مميزاته إنه سهل الإستخدام، مش بيبوظ بسهولة، مش بيعفن لو اتساب في الطبق، سهل التخزين ،مش بيحتاج أي تجهيز، بيشمل معظم العناصر الغذائية اللي أليفك محتاجها .

- العيوب إنه في أنواع كتير مش بتكون كويسة، المكونات اللي فيه بتخش في عمليات تصنيع كتير ، مفهوش مية فـلازم نتأكد إن اليفنا بيشرب كويس .

هل الدراي فود بيجيب ديدان من كتره ؟

- الإجابة المختصرة لأ . 

- اللي خلى الإشاعة دي تنتشرهو إن ناس كتير بتشتري الدراي فود السايب من محلات الحيوانات . 

الأنواع دي بيكون مش معروف مصدرها ولا مكوناتها، وفي الغالب بتكون طريقة تخزينها رديئة .

بعيدا عن المكونات، طريقة التخزين بس ممكن تسبب تلوث للأكل ده ، وده اللي بيسبب الديدان . ( الديدان بتيجي من أي أكل ملوث سواء كان دراي فود أو أكل بيتي ) .

* إيه افضل تغذية لأليفك ؟ وممكن تعتمد على الدراي لوحده ؟

- عشان تتأكد إن أليفك تغذيته قوية، افضل حاجة إنك تنوع بين الدراي فود والأكل البيتي عشان تعوض لو في نقص من ده أو ده .

- ممكن تعتمد على دراي فود لوحده لكن تتأكد إنه نوع كويس جدا وتتأكد إن أليفك بيشرب مية كفاية .

- عشان تعرف أليفك رفيع ولا تخين، اتبع قاعدة : الطبيعي إنك تحس بضلوع القفص الصدري لكن متشوفهاش . 

Credits to purrbark 





Get it on Google Play

asked

Your answer

Your name to display (optional):
Privacy: Your email address will only be used for sending these notifications.
...