Welcome to Pets-vets Q&A, where you can ask questions and receive answers from other members of the community.
Get it on Google Play
0 votes

قبل ما نتكلم عن أسباب القيء عند الكلاب لازم الأول تعرف إن في فرق بين القيء و الإرتجاع.

و بعد ما تقرا المقالة دي ممكن لو عندك اي سؤال تنزل التطبيق بتاعنا و تسأل و دكتور هيتابع معاك الحالة او تطلب دكتور للبيت من اللينك دا http://onelink.to/nnas8e

- الإرتجاع بيختلف كتير عن القيء وهو عبارة عن إن بعض الاكل الغير مهضوم بيخرج من المعدة. الإرتجاع بيكون مفهوش أي مجهود من المعدة. وغالبا بيكون سببه مشاكل في المريء .

- القيء دايما يسبق بأعراض تانية زي الغثيان وبلع الريق الزيادة ولحس الشفايف. ودايما بيبقى فيه تقلصات واضحة في المعدة قبل القيء.

ليه الكلاب بتتقيء ؟

القيء يعتبر وسيلة دفاع عند الكلاب لانها بتاكل كل حاجة قدمها حرفيا :D عشان كده الكلاب بتتقيا كتير عشان تخرج الأجسام الغريبة من جسمها. لكن ده ميمنعش إن فيه أسباب تانية كتير جدا مرضية بتسبب القيء.

منها الطفيليات والحساسية لبعض الأطعمة وأمراض في الكبد والكلى وبعض أنواع الكانسر و التعرض لسموم ومشاكل في المعدة وأمراض تانية كتير جدا .

امتى هتحتاج رعاية طبية؟

- طبيعي إن كلبك يتقيأ مرة أو اتنين لو أكل حاجة مش كويسة. لكن لو لاحظت أي حاجة من الأعراض دي يفضل تكلمنا على طول عشان نيجي نكشف عليه لأن الأعراض دي بتدل على وجود مرض :

- قيء مستمر .

- جسم كلبك كله متأثر وباين عليه الإرهاق مع القيء .

- اسهال حاد مع القيء .

- قلة في التبول مع القيء ممكن يكون علامة على الجفاف الحاد .

- محاولات للقيء منغير مايكون فيه قيء .

- ألم في الأمعاء أو تضخم في الأمعاء .

- وجود دم في القيء أو دم لونه بني غامق وشكله شبه حبات القهوة المطحونة .

- قيء لونه اخضر فاتح .

لو كلبك تقيأ مرة أو اتنين لكن شكله كويس وصحي ونشاطه سليم تعمل إيه ؟

1- امنع الاكل والشرب لمدة 6 -8 ساعات بعد القيء .

2- لو الفترة دي عدت منغير ماكلبك يتقيأ ابدأ اديله كمية صغيرة جدا من المية .

3- لو كلبك شربها ومحصلش قيء ابدأ اديله كمية اكبر من المية .

4- بعد 12 ساعة من الشرب فقط لو محصلش قيء تاني ممكن تبدأ تقدمله وجبة صغيرة مكونة من فراخ مسلوقة ( منغير جلد ولا عضم ) مع رز مسلوق .

5- لو كلبك أكل ومفيش مشاكل ابدأ ضيف أكله الطبيعي بالتدريج مع الوجبة دي .

* العملية دي هتاخد تقريبا 3 أيام . لو كلبك رجع تاني في أي مرحلة يفضل تكشف عليه . 

إزاي تقلل تعرض كلبك للقيء ؟

* غالبا أسباب القيء بيبقى صعب التحكم فيها لأن معظمها مرضي. لكن في بعض الحاجات اللي بتسبب التقيؤ عند الكلاب ممكن نتجنبها .

- متغيرش أكل كلبك فجأة . ديما لو هتغير نوع أكل كلبك اعمل الموضوع بالتدريج و على مدار أسبوع أو 10 أيام عشان معدته متتاثرش .

- متاكلش كلبك عضم الا لو عضم كبير مش مطبوخ غير قابل لإنه يتكسر لقطع صغيرة .

- متديش كلبك لعب ممكن يكسرها وياكل اجزاء منها .

- التأكد إن كلبك مياكلش أكل من أكل الإنسان ممكن يعرضه للخطر ) كل الأطعمة المضرة للكلاب زي الشيكولاتة و الكفايين و البصل و التوم و عنب أو الزبيب.

Credits to purrbark 





Get it on Google Play

asked

Your answer

Your name to display (optional):
Privacy: Your email address will only be used for sending these notifications.
...