Welcome to Pets-vets Q&A, where you can ask questions and receive answers from other members of the community.
Get it on Google Play
0 votes

درجات الحرارة اللي احنا فيها حاليا للاسف بتعرض حيواناتنا الأليفة للخطر اللي ممكن يوصل للموت ! 
و السبب إن أليفك ممكن يحصله احتباس حراري (ضربة شمس) و ده بيحصل لما حرارة جسم كلبك أو قطتك تعلى بشكل كبير . 
الكلاب و القطط خصوصا معرضين بشكل كبير للاحتباس الحراري بسبب الفرو اللي على جسمهم و لأنهم بيعرقوا من اماكن محددة فقط زي الجزء الجلد اللي في اقدامهم و اللهث يعتبر الوسيلة التانية لتنظيم درجة حرارة الجسم .
- لما جسمهم ميقدرش ينظم الحرارة بشكل طبيعي و درجة الحرارة تزيد بشكل سريع ده بيعرضهم لكوارث زي فشل الاعضاء و الجلطة و مشاكل تانية كتير تعتبر مميتة لاقدر الله ....

* ملحوظة :لو اليفك اتعرض لاحتباس حراري دي تعتبر حالة 
طوارئ لازم في ساعتها يتلقى العناية الضرورية .

* دي بعض الاسباب اللي ممكن تزود احتمالية الاحتباس و اعراضه و إيه الإسعافات الأولية اللي تقدر تعملها بشكل مؤقت :

* الاسباب :

من اشهر أسباب الاحتباس الحراري عند الحيوانات انه يتساب لوحده في عربية مقفولة، ممنوع نهائي و لو ل 5 دقايق تقفل العربية على اليفك (في امريكا القانون بيديك الحق انك تكسر اي ازاز عربية لو لقيت حد حابس فيها كلب) .
- لو كلبك عمل رياضة بشكل مبالغ فيه .
- لو كلبك أو قطتك معرض لأشعة الشمس لفترات طويلة ( لو مثلا قاعد في البلكونة أو على السطح و مفيش أي ظل )
- التعرض لدرجة حرارة عالية بشكل عام، زي الجو اللي احنا فيه اليومين دول... 

*اعراض الاحتباس الحراري ) ضربة الشمس 

- هتلاقي أليفك بينهج أو بيلهث بشكل غير طبيعي ( سواء كلب أو قطة).
- زيادة في اللعاب ( بيريل )
- لو الحالة اتطورت ممكن يبدأ يرجع أو يجيله اسهال .
- و ممكن تبدأ نوبات و يفقد الوعي ( المرحلة دي متأخرة جدا )

* ملحوظة : درجة حرارة الجسم الطبيعية للكلاب و القطط بتكون في حدود 38 و شوية .. في حالة الحتباس ممكن توصل ل 40 درجة !

* إيه الإسعافات الأولية اللي تقدر تعملها :

- انقل أليفك لمكان بارد و ضل . و يفضل تقيس درجة حرارته .
- وجه عليه مروحة عشان تبدأ تبرد جسمه .
- استخدم كامادات ( فوطة مبلولة بمية باردة و معصورة كويس ) على الظهر و الرقبة و تحت الدراع و عند منطقة الإخراج .
- ممكن كمان تبل الودان ( من الخارج فقط ) و الارجل بمية باردة .

نزل تطبيق pets-n-vets دلوقتي و اسأل دكتور اي سؤال و هيجاوب فورا ببلاش غير خدمات تانية كتير هتساعدك تهتم بحيوانك الاليف http://onelink.to/nnas8e

Credits to purrbark





Get it on Google Play

asked

Your answer

Your name to display (optional):
Privacy: Your email address will only be used for sending these notifications.
...