Welcome to Pets-vets Q&A, where you can ask questions and receive answers from other members of the community.
Get it on Google Play
0 votes

تغذية كلبك تعتبر أساس صحته. لو تغذية كلبك سليمة ده هيقلل بشكل كبير من عدد الأمراض اللي ممكن تجيله و ده لأن جهازه المناعي هيكون قوي .

- اهم مراحل التغذية بتكون في السن الصغير من بعد الرضاعة مباشرة، لازم تهتم بيها بشكل كبير لانها بتأثر على صحة كلبك بعد كده بشكل كبير.

طيب إيه اللي المفروض يكون موجود في النظام الغذائي لكلبك ؟

1 - لحوم :

 سواء فراخ، لحمة، أو سمك، لازم تكون مستوية كويس ، ويفضل إنك تشيل الدهون والجلد منها. وتأكد إن مفيش عظم في اللحم قبل متديه لكلبك.

ملحوظة : بعض الناس بتعتمد على نظام ال raw diet أو الاكل الني، منقدرش ننكر إن الاكل الني ممكن يكون فيه نسبة فايدة أعلى من المستوي لكنه فيه نسبة خطر كبيرة لانه بيعرض كلبك لانواع بكتيريا زي ال Salmonella المعدية للإنسان.

لو مش ضامن نضافة اللحم اللي بتقدمه لكلبك متديهوش ني ابدا.

2- فواكه: أيوه الكلاب لازم تاكل فاكهة :D

البطيخ، الكانتلوب، القرع، الموز، التفاح، البرتقال كلها فواكه مفيدة جدا للكلاب وممكن نستخدمهم زي تريتس صحية و متوفرة بكثرة .مهم تتأكد إنك تشيل البذرعشان ممكن يسبب مشاكل في الهضم.

3- خضار : اهم كمان من الفاكهة .

كلبك ممكن ياكل جز، بسلة، فاصوليا، خيار وكوسة وحتى بطاطس مسلوقة أو مشوية .

- افضل طريقة لتقديم الخضار لكلبك انه يكون مستوي على البخار بدون أي توابل، في بعض الانواع ممكن تتقدم فريش زي الجزر و الخيار.

.

4- نشويات :

افضل نوع نشاويات لكلبك يعتبر الرز مفيد جدا و يعتبر خفيف و سهل الهضم خصوصا لو كلبك عنده مشاكل في المعدة ( قدمله وجبة من الرز المسلوق مع فراخ مسلوقة ).

- تاني افضل حاجة بعد الرز يعتبر الشوفان. ممكن تقدمه مسلوق بالمية أو الشوربة أو اللبن لو كلبك مش بيعاني من حساسية ضد الألبان .

- المكرونة المسلوقة و العيش اقل فايدة لكنها مش مضرة .

5- دراي فود :

رغم إن الدراي فود سهل وسريع ،الا إنه معظم الماركات مفيهاش كمية البروتينات الحيوانية اللي كلبك بيحتاجها، عشان كده مينفعش نعتمد على الدراي فود لوحده لو مش ضامن انه من انضف الأنواع و فيه كل اللي كلبك محتاجه، الأفضل إنك تنوع بين الدراي و الفريش

*لو حابب تكشف على كلبك و تعرف انسب نظام غذائي ليه، او تشتري اكل لكلبك نزل الابليكيشن و كل دا هيوصلك لحد باب البيت

Credit to purrbark





Get it on Google Play

asked

Your answer

Your name to display (optional):
Privacy: Your email address will only be used for sending these notifications.
...