Welcome to Pets-vets Q&A, where you can ask questions and receive answers from other members of the community.
Get it on Google Play
0 votes

شوية نصايح تتعامل بيهم مع حيوانك الاليف في الجو الحر 

أول حاجة ....

 المية ،المية ،المية :

اتاكد إن أليفك بيشرب مية كتير،و ده بانك توفرله مية في كل الاوقات و يفضل في كذا مكان في البيت ( و خصوصا للقطط لانها بتنسى تشرب و بتزهق من مكان طبق المية لو واحد ) وياسلام لو المية باردة .

*ملحوظة : لازم تغسل طبق المية بشكل يومي مع تغييرها. 

ممكن لو الجو حرررر جدا، حطله كام مكعب تلج في طبق يقعد يلحس فيهم .

2- متنساش المية وإنت خارج :

الخروج من البيت في الحر بيعطش جدا طبعا ،خلي معاك إزازة مية ساقعة وشرب كلبك كل شوية .

3- جس الأرض :

لو هتمشي كلبك، يفضل متمشهوش على سطح بيمتص الحرارة زي الأسفلت . 

عشان تعرف هو سخن ولا لأ على كلبك، جسه بظهر ايدك لمدة سبع ثواني على الأقل ، لو اتلسعت يبقى هيلسع كلبك .

4- لو درجة الحرار أعلى من 30، متخرجش كلبك .

رغم إن بالنسبالنا طبعا ده جو تحفة مقارنتا باللي احنا فيه حاليا !!

الكلاب جسمها مش بيكون سهل إنه يتخلص من الحرارة بسهولة ( ملحوظة الكلاب بتلهث عشان تتخلص من الحرارة ، وبتعرق بس من ال Paws أو الجزء الجلد في رجليها ) .

5- وقفه في مية باردة :

- زي ماقولنا الكلاب بتتخلص من الحرارة من رجليها ، فممكن توقفه شوية في مية باردة عشان تساعده يبرد جسمه شوية .

وممكن بفوطة مبلولة ومعصورة تمشيها على صدره أو جسمه .

* ملحوظة مهما جدا كتير ميعرفهاش :

ماتستخدمش التلج ابدا على جسم كلبك لانه ممكن يقلل حرارته فجأة ويبطئ الدورة الدموية .

6- اعمل لاليفك جرومينج :

سرحه كل يوم واتخلص من أي كلاكيع وكتل ممكن تحرره أكتر .

- ممكن تحلقله ( تخفف شعره بس لو كثيف و طويل مش زيرو ) أو تحلق منطقة البطن فقط، لأن فرو الكلاب و القطط بيحميهم من حرارة وأشعة الشمس ، لو حلقتله بالكامل ممكن تعرضه لحروق من الشمس . أيوه الكلاب و القطط ممكن تعمل " Tan " .  

7- مشي كلبك في اوقات مش حر من اليوم زي بليل أو الصبح بدري .

8- متسبش اليفك ابدا في العربية في الجو الحر لوحدة، أو لأي سبب من الأسباب . ده بيعرضه لخطر زي الجفاف أو إنه يتسرق .!

9- اقفل ستاير الشبابيك و حاول توفر مكان بارد و ضل لااليفك في البيت .

ملحوظة : مش مستحب استخدام التكيف لكن لو الجو لا يطاق ممكن تقعد أليفك في التكيف بس على درجة حرارة عالية شوية و ميكونش مباشر عليه .

* إزاي تعرف إن كلبك أو قطتك حران جدا ؟؟

- بيلهث كتير 

- اللعاب زايد 

- عنده صعوبة في التنفس 

- قلبه بيدق بسرعة 

- دايخ 

- ضعيف 

- اللثة واللسان لونهم غامق أو محمر 

>> لو لاحظت أي حاجة من الأعراض دي ، الحقه بمية وحاول تبرد جسمه و طريقة الإسعافات الأولية في الحالة دي موجودة في اللينك :

و لو الأعراض استمرت مهما عملت نزل الابليكيشن من اللينك دا http://onelink.to/nnas8e

 و احنا هنيجي لحد عندك في أي مكان في القاهرة و الجيزة .

Credits to purrbark 





Get it on Google Play

asked
edited

Your answer

Your name to display (optional):
Privacy: Your email address will only be used for sending these notifications.
...