Welcome to Pets-vets Q&A, where you can ask questions and receive answers from other members of the community.
Get it on Google Play
0 votes

دا من اكتر الاسئلة اللي اترددت علي الابليكيشن الفترة اللي فاتت ف حبينا اننا  نجمع شوية معلومات و نحطها ف مقالة 

و انت كمان ممكن تسألنا اي سؤال ببلاش و هيجاوبك دكتور ببلاش او تطلب  دكتور يجيلك البيت من اللينك دا http://onelink.to/nnas8e

إنك تحمي قطتك اصلا ده يعتبر من اصعب المهام اللي ممكن تعملها في حياتك

و في الغالب الموضوع بينتهي باصابات كتير للطرفين..

بس لو مصمم تحميهم او في سبب قهري استدعى الموضوع، اكيد مش هنسيبك في دي

Pets-n-vets بتقدملك بعض النصايح اللي لو اتبعتها ممكن الموضوع يبقى اسهل بكتير ليك و لقطتك  

بص يا سيدي..

1-أفضل وقت تحمي فيه قطتك بيكون وهي تعبانة بعد لعب كتير، يعني فرهدها شوية قبل ميعاد الشاور .

2- اعمل حسابك إنك هتتخربش هتتخربش فـ الافضل إنك تقص ضوافرها و يفضل ده يكون قبلها بيوم عشان ميبقاش  كتير على قطتك فيوم واحد .

3- سرحها كويس قبل ما تستحمى عشان تشيل أي شعر زيادة أو أي كلاكيع لان لو اتبلت الكلاكيع هتتعقد أكتر.

4- حُط حتتين قطن بحذر في ودانها عشان تمنع المية من الدخول. (الاماكن المكتومة و فيها بلل دة بمثابة منتجع سياحي للفطريات و حجات تانية مرعبة هتلاقيهم جايبين العيال و بيصيفوا في ودن قطتك )

5- حُط سجادة البانيو الكاوتش ولو مفيش ممكن فوطة ) و هي الافضل (عشان قطتك متتزحلقش من أرضية البانيو و بالتالي تترعب و تبدأ تتجنن، واملا البانيو شوية مية دافية بإرتفاع 10 سم مثلا.

6- استخدم سماعة الدش أو خرطوم تقدر تمسكه في ايدك عاش تتحكم في المية، وخليك بعيد عن ودان وعيون ومناخير قطتك .لو مفيش خرطوم ممكن كوباية. 

ملحوظة مهمة : لما تبدأ تشغل المية و تملاها لازم قطتك تكون بعيد تماما عن الحمام و مايكونش عندها أي فاكرة إنها ليها عشان صوت المية احيانا كتير بيرعبهم .

7- ادعك براحة الجسم بـخليط مكون من جزء شامبو قطط و5 أجزاء مية (شامبو الإنسان ممكن ينشف جلد قطتك ).

ابعد عن الوش والودان والعيون .وادعك الفرو كويس من الرأس للذيل في اتجاه نمو الشعر.

8- نزل الشامبو من على جسمها كويس بالمية واتاكد إن كله نضف .

9- بالنسبة لوشها امسحه بـفوطة مبللة بمية بس إلا لو متوسخ اوي ممكن تعمله بشامبو مخفف جدا.

10- لفها في فوطة كبيرة (اعمل منها ساندويتش شاورما قطط سوري) ونشفها في مكان دافي، لو قطتك مش بتدايق من الصوت ممكن تنشفها بالسشوار على اقل حرارة و من بعيد شوية و سرح الفرو عكس اتجاه النمو براحة عشان تساعد انه ينشف اسرع. لو شعرها طويل ممكن تحتاج تسلك الكلاكيع براحة بمشط سنانه واسعة.

11- العب معاها كتير و اديها مكافأة على الاستحمام ( ممكن تاكلها بايدك ). ونعيما  

Credits to purrbark 





Get it on Google Play

asked

Your answer

Your name to display (optional):
Privacy: Your email address will only be used for sending these notifications.
...